Вы здесь

Иван Вазов. Само ти, солдатино чудесни... (на осетинском)

ИВАН ВАЗОВ. 

РАСТДÆР ДЫ, ХЪАЙТАР, ХЪÆДДЫХ ÆФСÆДДОН…


(14-æм декабры Софияйы не ‘фсæдты цытджын фембæлд зæрдыл дарынæн)

Растдæр ды, хъайтар, хъæддых æфсæддон,
Хæсты стыр уаргъ де уæхсджытыл хастай,
Ды Фыдызæхх сау тугæй, нæ хæстон,
Балхæдтай, сæрибар цард ын радтай.

Ды болгарты кад бæрзонддæр систай,
Хæхты сæрмæ ‘нæ базыртæй стахтæ,
Сармадзантæ уды фарнæй састай,
‘Хсаргардыл уæлахиз уæд æрсагъдтай.

Раздзогтæ уындджын ысты, бæгуыдæр,
Зæрдæ райы, рухс кæны сæ уындæй,
Фæлæ ды, нæ цардбæллон æфсæддон,
Згъалыс ставд сæрыстыр сыг мæ цæстæй!

Стут фæлурс, фæллад, бызгъуыр, рыгæйдзаг,
Суынгæг и уæ уындæй тынг мæ зæрдæ…
‘Гас цæут, æдас домбайтæ, рæвдздæр!
‘Гас цæут, уæлахиздзау æфсæдтæ!

София, 1885 азы декабры мæй

Болгараг æвзагæй Плиты Иналы ивд.

 

===========================================

ИВАН ВАЗОВ.

САМО ТИ, СОЛДАТИНО ЧУДЕСНИ...


(в памет на тържественото посрещане на нашите войски в София на 14 Декември)

Само ти, солдатино чудесни,
всичко снесе на плещи се здрави,
само ти, юнако неизвестни,
нас спаси, България прослави!

Крилат на си - планини префръкна,
герой не бе - как се мре, научи,
ти с ура пушкалата затъкна,
ти на щик победата набучи.

Храбри идат твойте капитани,
радува ме цветна им корона;
ала ти, войнико невенчани,
горди сълзи правиш ме да рона!

Плача, кат ви гледам, братя прости,
така бледни, дрипави и прашни...
Добре дошли, мои царски гости!
Добре дошли, лъвове безстрашни!

София, Декември 1885